Ferðalangur

Hótel í London

Þegar þú ætlar að finna hótel í London er gott að spyrja sig eftirfarandi spurninga:         

• Hversu mikið ertu tilbúinn að borga fyrir gistingu?
• Hvar í London er þægilegast að vera miðað við erindið (ráðstefna - leikhús - verslunarferð - annað)?
• Hversu þægilegt er að komast á milli, t.d. flugvallar og hótels?
• Athugaðu að ódýr gisting í úthverfum London kallar oft á meiri kostnað við samgöngur.      
       
  

  London

Hér á eftir verða talin upp nokkur hótel og íbúðahótel í hverfum miðsvæðis í London. Sum þeirra þekkir Ferðalnagur af eigin raun, önnur eru vel staðsett og fá ágætar umsagnir gesta.            

Vinsæl farfuglaheimili og hostel í London

Farfuglaheimili eða "hostel" eru góður kostur fyrir þá sem vilja fá einfalda, látlausa gistingu á hagstæðu verði. Úrvalið í London er mikið og auðvelt að bera saman verð, einkunnagjöf gesta og umsagnir þeirra þegar leitað er að gistingu á bókunarsíðunni Hostelbookers. Kort og leiðarvísar fylgja.      

Walrus hostel í London

Eitt af þeim farfuglaheimilum í London sem fær góða einkunn er The Walrus Waterloo rétt hjá Waterloo Station. Þetta er það farfuglaheimili sem næst er London Eye og hentar sömuleiðis vel fyrir heimsóknir til Southbank, Westminster og Big Ben. 

Annað gott farfuglaheimili er YHA London Central í hjarta West End með mjög góðri aðstöðu fyrir bakpokaferðalanga.

Smelltu hér fyrir fleiri farfuglaheimili og ódýra gististaði í London. 

Að velja hótel sem hentar

Í hvers konar ferð ertu að fara? Sumarfrí? Borgarferð? Ráðstefnuferð? Vinnuferð? Rómantíska helgarferð? Fjölskylduferð með börnin?

Möguleikarnir eru margir og val á gistingu fer að sjálfsögðu eftir tilefninu hverju sinni. Það getur hins vegar verið heilmikið mál að finna réttu gistinguna -  ekki síst ef þú ætlar að gista í margar nætur og vilt greiða hóflega fyrir. Eftirfarandi atriði gætu skipt þig máli:

Veldu þér borg... og síðan gistingu

Möguleikarnir í beinu flugi frá Íslandi til Evrópu og USA hafa aldrei verið jafn margir, ýmist á vegum Icelandair, Wowair, EasyJet, Air Berlin, Norwegian, Germanwings o.fl. Hér fyrir neðan er hægt að velja réttu borgina og skoða alla þá fjölbreyttu gistingu sem í boði er: Hótel, gistiheimili, farfuglaheimili, íbúðagistingu, B&B o.fl.

Þú finnur réttu borgina hér ef hún er ekki í listanum.

ATH: Í flestum tilvikum er hægt að afbóka án nokkurs kostnaðar þar til sólarhring fyrir komu. 

Alicante	Amsterdam
Anchorage	Barcelona
Basel	Belfast
Bergen	Berlín
Billund	Birmingham
Boston	Bristol
Brussel	Denver
Dublin	Düsseldorf
Edinborg	Edmonton
Frankfurt	Gautaborg
Genf	Glasgow
Halifax	Hamborg
Helsinki	Kaupmannahöfn
Köln-Bonn	London
Lyon	Madrid
Manchester	Mílanó
Minneapolis	München
New York	Ósló
Orlando	París
Portland	Róm
Salzburg	Seattle
St. Pétursborg	Stavanger
Stokkhólmur	Stuttgart
Tenerife	Toronto
Vancouver	Varsjá
Vilnius	Washington DC
Zürich	Þrándheimur

Íbúð til leigu í Svartaskógi, Gernsbach

Íslendingum býðst að leigja íbúð í hinum þekkta Svartaskógi í Þýskalandi. Um er að ræða 2ja herbergja íbúð í þorpinu Gernsbach (15.000 íb.) við ána Murg, 7 km austur af Baden-Baden. Í Gernsbach er bæði fallegur og sögulegur miðbær.

Íbúðin er á 3. hæð í 3ja hæða fjölbýlishúsi (átta íbúðir) með góðu útsýni. Tvær svalir eru á íbúðinni, til vesturs og austurs. Þannig er hægt að njóta sólar allan daginn ef fólk vill.

Gott hjónarúm og aukadýnur/uppblásanlegt rúm til að nota í stofu ef vill.

Látlaust hótel á frábærum stað í París

Það er ekkert einfalt að finna þokkalegt hótel í París á viðráðanlegu verði. Hér kemur eitt slíkt. Mjög látlaust, lítið hótel (32 herb.)  á frábærum stað á Signubökkum, Hotel du Quai Voltaire, gegnt Louvre safninu. Hótelið er hreint og fallegt, herbergi eru lítil, ekkert sjónvarp, engin ísskápur en góð sturta, sími og hárblásari.

Stutt er í allar áttir, t.d. 600 m í d'Orsay safnið og Jardin des Tuileries auk Louvre eins og áður er nefnt.

 

Gott 3ja stjörnu hótel í Flórens

Hótel Botticelli heitir gott 3ja störnu hótel í Flórens, aðeins 5 mínútna gangur að safninu Accademia Gallery þar sem frumgerðin af styttunni David eftir Michelangeloer geymd. Að sögn ferðalangs sem þar hefur dvalið eru herbergin mjög þægileg, hreinlæti óaðfinnanlegt og þjónusta og öll aðstoð til fyrirmyndar.

Hótelið er í 16. aldar byggingu með svölum á efstu hæð og ekta freskum. Í nágrenningu er San Lorenzo markaðurinn (leður með meiru - ekki amalegt!) og 500 metrar í Santa Maria Novella járnbrautarstöðina.

• Hótel Botticelli
• Fjölbreytt gisting í Flórens: Hótel, B&B, gistiheimili o.m.fl.

Senda á Facebook

Papa Germano - ódýrt hótel/hostel í Róm

Ef þú leitar að hagkvæmri gistingu í Róm, má nefna ódýrt, látlaust hótel/hostel sem heitir Papa Germano í Róm. Þetta er íburðarlaust en þægilegt og hægt að velja um að dvelja í hótelherbergum eða í stærra herbergi sem tilheyrir hostelinu.  Rétt hjá, þ.e. við enda götunnar sem hótelið stendur við, er góð pizzería sem er greinilega vinsæl hjá íbúum í grenndinni.

Um 15 mín. gangur er á hótelið frá járnbrautarstöðinni Roma Termini og stutt er í suma vinsæla staði eins og kirkjurnar Santa Maria Maggiore og Santa Maria degli Angeli sem og böðin Terme di Diocleziano.

• Hótel Papa Germano
• Fjölbreytt gisting í Róm í öllum verðflokkum

Senda á Facebook

Gisting í Madrid, nálægt Prado safninu

Hostal er ekki það sama og hostel. Á Spáni og í nokkrum öðrum spænskumælandi löndum þýðir hostal einfaldlega fjölskyldurekið gistiheimili. Ferðalangur fékk ábendingu um tvö slík, góð og notaleg, í miðborg Madrid, nálægt Prado safninu. Annað þeirra heitir Hostal Sardinero, 16 Calle Prado, í u.þ.b. 7 mín. fjarlægð frá safninu og aðeins 5 mín. gangur til Plaza Santa Ana og Puerta del Sol, hjarta Madridborgar. - Eigendur gisitheimilisins búa sjálfir þarna og vart hægt að hugsa sér betri og vinalegri þjónustu. Allt mjög hreinlegt og öruggt. Í nágrenninu eru síðan góðir veitingastaðir.

Hitt heitir Hostal Jaén einnig á svipuðum slóðum. Það fær mjög góðar umsagnir, er hreint, hljóðlátt og öruggt. Eigendurnir tala ekki ensku en dóttir þeirra hins vegar og þau þykja afar hjálpsöm t.d. með að panta ferðir o.fl. Herbergin eru lítil en að öðru leyti mjög góð. Einnig er boðið upp á litlar íbúðir sem gæti komið sér vel fyrir fjölskyldur.

• Hostal Sardinero
• Hostal Jaen

• Fjölbreytt úrval hótela og gistimöguleika í Madrid

Senda á Facebook

EasyJet Holidays: Ódýrari sólarferðir - ódýrari borgarferðir

EasyJet Holidays

Við horfum mörg löngunaraugum til sólarlanda eða stuttra borgarferða til að slaka aðeins á í öðru umhverfi. Þó er ekki víst að  allir sem vilja geti leyft sér það um þessar mundir. Sumir geta það þó með því að sýna hagsýni og velja sér ódýrari ferðir og ódýrari gistingu.

Það er nefnilega hægt að njóta lífsins þó að rúmfötin á hótelinu séu ekki úr silki eða satíni og veggirnir séu ekki fóðraðir með listaverkum eftir Miro eða Picasso. Með öðrum orðum: Kannski getum við skroppið til sólarlanda án þess að fjárhagurinn fari á hvolf.

Ferðalangur vill benda þeim sem eru í sparnaðarhugleiðingum á að bera saman við íslenskar ferðaskrifstofur það sem nú býðst hjá EasyJet Holidays.

Flestir þekkja lágfargjaldaflugfélagið EasyJet og nú býður það í samstarfi við fleiri ódýrari sólarlandaferðir og borgarferðir þar sem lagt er upp frá fjölmörgum flugvöllum í Bretlandi. Má þar nefna m.a. London Gatwick, Stansted, Manchester, Glasgow og Edinborg. Það getur t.a.m. verið snjallt að sameina sólarlandaferðina og ferð til London eða Glasgow/Edinborgarmeð EasyJet Holidays og slá þannig tvær flugur í einu höggi. 

• Ódýrari sólarlandaferðir með EasyJet Holidays
• Ódýrari borgarferðir með EasyJet Holidays
• Sérstök ferðatilboð