Ferðalangur

Jólamarkaður í Rothenburg

Stollen, Lebkuchen, Schneeballen... að ekki sé minnst á Glühwein og Würst. Allt þetta virkar sem segull á íslenskan ferðalang á jólamarkaðinum Reiterlesmarkt í Rothenburg.

Myndir frá Rothenburg og jólamarkaði

Það er eins og komið sé inn í ævintýraheim að heimsækja þetta 11.000 manna þorp í jólamánuðinum. Frost og stillur, leifar af snjósköflum eftir síðasta kuldakast, fallega skreyttar götur og jólamarkaðurinn með sínum heimilislegu viðarbásum, vendilega prýddum.

Á markaðaninum skiptast á básar með alls konar jólaskrauti og jólavörum í bland við aðra þar sem hægt er að kaupa bolla af heita jólavíninu Glühwein og pylsur af ýmsum stærðum og gerðum, sumar svo langar að Íslendingurinn horfir hlægjandi á og veltir fyrir sér hvernig í veröldinni sé hægt að torga þessu. Með jólapúnsið í hendi læðist að ferðalanginum sá grunur að í það hafi verið blandað einhverju sterkara en einungis rauðvíni...

Verona - myndir

Verona er borg sem er mörgum Íslendingum að góðu kunn og auðvelt að gleyma sér þar í nokkra daga. Mátulega lítil/stór, rómantísk og ótrúlega auðug af minjum löngu liðinna tíma.

Ferðalangur átti leið um Verona og smellti þar af nokkrum myndum.

Myndir frá Verona

Fjölbreytt gisting í Verona

Eldfjallið Etna, Sikiley

Ferðalangur heimsótti eldfjallið Etnu á Sikiley í júní 2006 og 2007 og tók þá nokkrar myndir af þessu fræga fjalli, bæði í súld og í sól.

Algengt er að ekið sé upp í hlíðar Etnu sunnanmegin. Þá er ekin hraðbrautin A18 (Catania-Messina) og ekið út af henni við borgina Cataniu, tekin stefnan á Gravina og svo þorpið Nicolosi sem margsinnis hefur þurft að "verjast" eldfjallinu. Loks er ekið upp að svæði sem heitir Rifugio Sapienza en það stendur í 1910 m hæð yfir sjávarmáli. Etna er hins vegar um 3200 m há.

Myndir frá ítalska heilsulindabænum Abano Terme

Abano Terme heitir lítill 18.000 manna bær á N-Ítalíu og liggur í um 10 km fjarlægð frá háskólaborginni Padova.

Þessi litli bær hefur nokkra sérstöðu um fram marga aðra vegna þess að þar hafa menn nýtt heitar uppsprettur á svæðinu sér til heilsubótar allt frá tímum Rómverja. Nú á dögum gerir Abano alfarið út á þessa óvenjulegu aðstöðu og nánast öll hótel í Abano bjóða upp á úti- og innisundlaugaaðstöðu, æfingasali, leirböð, heilsunudd og ýmislegt fleira í þeim dúr.

Hótel í Abano Terme
Nokkrar myndir frá Abano Terme

Myndir frá Kanaríeyjum

Ferðalangur vill vekja athygli á myndum frá Kanaríeyjum sem nú eru komnar í myndasafnið á Flickr.com.

 

Myndir frá Feneyjum

Ferðalangur hefur átt þess kost að heimsækja Feneyjar nokkrum sinnum í gegnum tíðina. Myndefnin skortir þar ekki. 

Heimsókn til Feneyja er eins og heimsókn inn í annan heim og hjálpast þar allt að; umferðarmenningin (bátarnir á síkjunum), lyktin, byggingarnar og andrúmsloftið í heild.

• Myndir frá Feneyjum
• Fjölbreytt hótelgisting og aðrir gistimöguleikar í Feneyjum

Myndir frá Flórens

Þeir eru ófáir ferðalangarnir sem dreymir um að komast a.m.k. einu sinni til borgarinnar Flórens á ævinni. Og víst er að fáar borgir komast í hálfkvisti við hana hvað varðar sögu og merkisstaði.

Hverjir þekkja ekki nöfn eins og Leonardo da Vinci, Michelangelo, Dante, Machiavelli, Galileo eða Medici? Allt voru þetta menn (og fjölskyldur sbr. Medici) sem komu við sögu í Flórens á blómaskeiði borgarinnar.

Nú á dögum er snjallt að heimsækja borgina að vorlagi eða að hausti til, þegar hitinn er skaplegur og ferðamannastraumurinn einnig.

Fjölbreytt hótelgisting og aðrir gistimöguleikar í Flórens

Myndir frá Flórens

Myndir frá Solunto, Sikiley

Solunto er staður sem ferðamenn til Palermo/Sikileyjar ættu ekki að láta fram hjá sér fara. Staðurinn liggur um 17 km austan við Palermo í hlíðum fjallsins Catalfamo, ekki langt frá Bagheria.

Þetta eru rústir bæjar sem byggður var þar sem áður stóð Kfra, þorp Fönikíumanna, sem stofnað var um árið 700 f. Kr. Grikkir tóku við yfirráðum bæjarins árið 396 f. Kr. og útfærðu hann frekar. Kfra féll síðan í hendur Rómverja árið 254 f. Kr. og rústirnar bera að mestu merki þeirra.

Sjá fleiri myndir.

Fjölbreytt gisting á Sikiley í öllum verðflokkum

Klassískar akstursleiðir - kort og myndir

Nokkrar klassískar akstursleiðir í Evrópu prýða þennan laugardagspóst. Á vefsíðu Fodors.com er m.a. hægt að skoða afar falleg myndasöfn frá nokkrum af þekktari ferðamannastöðum í Evrópu eins og sjá má hér fyrir neðan. Einnig er hægt að skoða kort og lesa sér til um staðina í leiðinni.

Nauðsynlegt er að hafa Macromedia Flash Player til að birta myndirnar.

• Toskana á Ítalíu (Chianti, San Gimignano, Siena o.fl.)
• Bæjaraland í Þýskalandi (Garmisch, Tegernsee, Bad Reichenhall o.fl.)
• Loire dalurinn í Frakklandi (Chinon, Saumur, Bourqueil, Sanserre o.fl.)
• Norður-Spánn (Cantabria ströndin, Bilbao, San Sebastian, Pamplona, Vitoria, Logrono o.fl.)
• Lake District í Bretlandi

Myndir frá Króatíu

Ferðalangur heimsótti Króatíu eitt sumarið og tók af því tilefni heilmikið af myndum sem hægt er að skoða á Flickr.com/ferdalangur-net t.d. frá  eyjunni Krk og samnefndum bæ sem er höfuðstaður eyjarinnar, bænum Opatija, Plitvice þjóðgarðinum o.fl.

Góða skemmtun!